Árshlutareikningur Byggðastofnunar janúar – júní 2024
Árshlutareikningur Byggðastofnunar fyrir tímabilið janúar – júní 2024, var staðfestur af stjórn stofnunarinnar 29. ágúst 2024.
Árshlutareikningur Byggðastofnunar fyrir tímabilið janúar – júní 2024 er fyrsta árshlutauppgjör stofnunarinnar sem er gerður í samræmi við alþjóðlega reikningsskilastaðla fyrir opinbera aðila sem miða við rekstrargrunn (e. accrual basis IPSAS, International Public Sector Accounting Standards, vísað til sem “IPSAS”).
Eiginfjárstaða stofnunarinnar er áfram sterk og gefur henni færi á að vera öflugur bakhjarl atvinnulífs á landsbyggðunum.
Afkoma tímabilsins var jákvæð um 1.090 milljónir króna á móti jákvæðri afkomu upp á 285 milljónir króna á sama tímabili 2023. Eiginfjárhlutfall í lok árs skv. eiginfjárákvæðum laga nr. 161/2002 um fjármálafyrirtæki var 24,64% í lok júní.
Um stofnunina gilda lög um Byggðastofnun nr. 106/1999 og reglugerð nr. 347/2000. Hlutverk Byggðastofnunar er að efla byggð og atvinnulíf með sérstakri áherslu á jöfnun tækifæra allra landsmanna til atvinnu og búsetu. Í samræmi við hlutverk sitt undirbýr, skipuleggur og fjármagnar stofnunin verkefni og veitir lán með það að markmiði að treysta byggð, efla atvinnu og stuðla að nýsköpun í atvinnulífi. Stofnunin skipuleggur og vinnur að atvinnuráðgjöf í samstarfi við landshlutasamtök, sveitarfélög og aðra haghafa. Byggðastofnun fylgist með þróun byggðar í landinu, m.a. með gagnasöfnun og rannsóknum. Stofnunin getur gert eða látið gera áætlanir um þróun byggðar og atvinnulífs í þeim tilgangi að treysta búsetu og atvinnu í byggðum landsins. Þá annast stofnunin framkvæmd laga um póstþjónustu og hafa eftirlit með póstþjónustu eins og nánar er kveðið á um í lögum um það efni. Skrifstofa stofnunarinnar er á Sauðárkróki.
Helstu niðurstöður úr árshlutareikningi
- Afkoma tímabilsins var jákvæð um 1.090 milljónir króna.
- Eiginfjárhlutfall skv. lögum um fjármálafyrirtæki var 24,64% en skal að lágmarki vera 8%.
- Hreinar vaxtatekjur voru 771 milljón króna eða 50% af vaxtatekjum, samanborið við 557 milljónir króna (39% af vaxtatekjum) hreinar vaxtatekjur á sama tímabili 2023.
- Laun og annar rekstrarkostnaður nam 350 milljónum króna samanborið við 326 milljónir árið 2023.
- Eignir námu 28.393 milljónum króna og hafa hækkað um 3.057 milljónir frá árslokum 2023. Þar af voru útlán 24.237 milljónir samanborið við 22.071 milljónir í árslok 2023.
- Skuldir námu 22.604 milljónum króna og hækkuðu um 1.967 milljón frá áramótum.
Nánari upplýsingar
Nánari upplýsingar veitir Arnar Már Elíasson forstjóri Byggðastofnunar í síma 455 5400 eða á netfanginu [email protected]
Lykiltölur úr árshlutareikningi og samanburður við fyrri ár
| 30.6.2024 | 2023 | |
| Þús. kr. | Þús. kr. | |
| Yfirlit um afkomu | ||
| Vaxtatekjur…………………………………………. | 1.533.732 | 2.706.642 |
| Vaxtagjöld………………………………………….. | 763.049 | 1.463.293 |
| Hreinar vaxtatekjur………………………………. | 770.683 | 1.243.349 |
| Aðrar rekstrartekjur………………………………. | 426.363 | 656.934 |
| Hreinar rekstrartekjur……………………………. | 1.197.046 | 1.900.283 |
| Önnur rekstrargjöld………………………………. | 106.729 | 1.196.783 |
| Afkoma ársins…………………………………… | 1.090.317 | 703.500 |
| Með rekstrargjöldum eru færð framlög í afskriftareikning útlána lánsloforða og annarra krafna | -464.170 | 164.172 |
| Efnahagsreikningur | 30.6.2024 | 31.12.2023 |
| Eignir | ||
| Handbært fé………………………………………… | 1.737.413 | 926.930 |
| Markaðsskuldabréf………………………………… | 349.979 | 340.013 |
| Aðrar kröfur………………………………………… | 10.424 | 25.296 |
| Hlutabréf…………………………………………….. | 317.846 | 285.687 |
| Fullnustueignir……………………………………… | 10 | 10 |
| Hlutdeildarfélög……………………………………. | 969.649 | 904.568 |
| Útlán til viðskiptavina…………………………….. | 24.237.725 | 22.071.447 |
| Varanlegir rekstrarfjármunir……………………. | 769.619 | 781.796 |
| Eignir samtals…………………………………… | 28.392.666 | 25.335.747 |
| Skuldir og eigið fé | ||
| Lántökur og skuldabréfaútgáfur………………… | 21.340.487 | 19.901.162 |
| Óráðstöfuð framlög……………………………….. | 856.557 | 529.287 |
| Aðrar skuldir……………………………………….. | 406.966 | 206.960 |
| Skuldir samtals…………………………………. | 22.604.010 | 20.637.408 |
| Eigið fé | ||
| Eiginfjárframlag……………………………………. | 7.800.000 | 7.800.000 |
| Uppsöfnuð afkoma………………………………… | -2.011.344 | -3.101.661 |
| Eigið fé samtals……………………………………. | 5.788.656 | 4.698.339 |
| Skuldir og eigið fé samtals…………………. | 28.392.666 | 25.335.747 |
| Sjóðstreymi | 30.6.2024 | 2023 |
| Handbært fé (-til) frá rekstri……………………. | -437.088 | -913.756 |
| Fjárfestingarhreyfingar…………………………… | -8.202 | 0 |
| Fjármögnunarhreyfingar…………………………. | 1.260.297 | 163.058 |
| Hækkun/(-lækkun) á handbæru fé……………. | 815.007 | -750.698 |
| Gengismunur á handbæru fé……………………. | -4.524 | -8.709 |
| Handbært fé í ársbyrjun…………………………. | 926.930 | 1.686.337 |
| Handbært fé í lok árs…………………………. | 1.737.413 | 926.930 |
| Eiginfjárhlutfall samkvæmt lögum um lánastofnanir aðrar en viðskiptabanka og sparisjóði | 24,64% | 22,64% |
- Fréttatilkynning v árshlutareiknings 2024
- Byggðastofnun Árshlutauppgjör 30.06.2024
Please visit:
Our Sponsor